Լրահոս

23.09.2009 15:30


Ռազմիկ Դավոյան. «Ոչ ոք դեռ պատասխան չի տվել՝ Լևոն Տեր–Պետրոսյանը տեղյա՞կ էր, որ 1991թ. վավերացվում էր այդ պայմանագիրը»

Ռազմիկ Դավոյան. «Ոչ ոք դեռ պատասխան չի տվել՝ Լևոն Տեր–Պետրոսյանը տեղյա՞կ էր, որ 1991թ. վավերացվում էր այդ պայմանագիրը»

-1991թ. մարտի 17-ին Թուրքիայի վարչապետ Թուրգութ Օզալը եկել էր Գորբաչովի մոտ, և հայտարարություն եղավ, որ 1921թ. պայմանագիրը վերջապես վավերացվեց։  Բազմիցս այդ հարցը բարձրացրել եմ, բայց ոչ ոք դեռ պատասխանը չի տվել, այսինքն՝ Լևոն Տեր-Պետրոսյանը տեղյա՞կ էր, որ 1991թ. վավերացվում էր այդ պայմանագիրը,-«7օր»-ի հետ զրույցում խոսելով հայ-թուրքական սահմանի մասին՝ ասել է հրապարակախոս Ռազմիկ Դավոյանը։

-Գիտեմ, որ Կարսի պայմանագիրը պետք է չեղյալ հայտարարվի, մեկ ուրիշ պայմանագրի հետևից պետք է գնանք, որովհետև Կարսի պայմանագիրը մենք չենք կնքել։ Բայց եթե մասնակցել ենք այդ վավերացմանը, ապա մեկնումեկը թող ասի՝ մասնակցե՞լ ենք, թե՞ չենք մասնակցել,-հարց է ուղղել Ռ. Դավոյանը։

«7օր»-ի զրուցակիցն ասել է, որ եթե սահմանը դառնում է վերջնական հարց, ապա դա արդեն շատ վնասակար է. «Փոփոխելու հարց չկա։ Պետք է խաղալու տեղ ունենանք»։

Ինչ վերաբերում է Հայաստանի և Թուրքիայի միջև նախաստորագրված արձանագրություններին, ապա հրապարակախոսը դրան նորմալ է վերաբերում։

-Դատարկ խոսակցություններ են նրանք, թե արձանագրություններում Ղարաբաղի հարց կա,-այսպես է արձագանքել Ռ. Դավոյանը քաղաքագետների կողմից հնչող այն տեսակետներին, թե նախաստորագրված արձանագրություններն, ըստ էության, իրենց մեջ նաև Արցախի հարց են պարունակում։

-Կողմ եմ արձանագրություններին, դիվանագիտական հարաբերություններ ստեղծելուն կողմ եմ, սահմանի բացմանը ևս կողմ եմ, բայց անընդհատ վախի մեջ ապրելով, թե թուրքերը մեզ խաբելու են, չի կարելի,-հավելել է Ռ. Դավոյանը։

7or.am

 

Այս խորագրի վերջին նյութերը