Միավորված ազգերի կազմակերպության գլխավոր ասամբլեայի  64-րդ նստաշրջանին մասնակցելու նպատակով ս.թ. սեպտեմբերի 25-ից 29-ը ՀՀ արտգործնախարար Էդվարդ Նալբանդյանը կայցելի Նյու-Յորք:

Այցի ընթացքում նախատեսված է նախարար Նալբանդյանի ելույթը գլխավոր ասամբլեայի նստաշրջանին եւ հանդիպումը ՄԱԿ-ի գլխավոր քարտուղար Բան Կի-մունի հետ:Նյու-Յորքում Հայաստանի արտաքին քաղաքական գերատեսչության ղեկավարը հանդիպումներ կունենա մի շարք երկրների իր գործընկերների հետ:

 Էդվարդ Նալբանդյանը կհանդիպի նաեւ ԵԱՀԿ Մինսկի խմբի համանախագահների հետ: