Հռոմի պապ Ֆրանցիսկոսն այսօր մեկնել է արտերկրյա ուղևորության։ Նա ժամանել է Ստրասբուրգ, որտեղ նախատեսված են նրա ելույթները Եվրախորհրդարանում և Եվրախորհրդում։
Հռոմի պապի նոր ուխտագնացությունը դիտորդներն արդեն ռեկորդային են համարում։ Նախ՝ սա նրա ամենակարճ ուղևորությունն է Իտալիայի սահմաններից դուրս. համաձայն ծրագրի՝ Ֆրանցիսկոսը Ստրասբուրգում կանցկացնի 3 ժամ 50 րոպե։
Երկրորդ՝ Հռոմի պապի առկա ուղևորությունը հռոմեական կաթոլիկ եկեղեցու պատմության մեջ առաջին անգամ գրեթե չունի կրոնական բացադրիչ և չի նախատեսում մասնակցություն եկեղեցական արարողակարգերին։ Միևնույն ժամանակ, Վատիկանի դիվանագիտական աղբյուրներն ընդգծում են, որ խոսքը պաշտոնական այցի մասին չէ Ֆրանսիա, և հանդիպումներ ֆրանսիացի ղեկավարների հետ չեն նախատեսվում։
Պապը Ստրասբուրգ է ժամանել Եվրախորհրդարանի նախագահ Մարտին Շուլցի հրավերով։
Ենթադրվում է, որ Հռոմի պապը հանդես կգա հասարակության աղքատ բնակիչների հանդեպ եվրոպական միասնականության ու պատասխանատվության կոչերով։

Տեղեկացնում է «ՏԱՍՍ»–ը։