Թուրքիան առաջարկել է Կիպրոսին Միջերկրական ծովի արևելյան մասում շահագործել ածխաջրային հումքի հանքերը։ Այս մասին հայտարարել է թուրքական կառավարության ղեկավար Ահմեդ Դավութօղլուն, որը երկօրյա այցով գտնվում էր Հունաստանում։

«Մենք շարունակելու ենք երկկողմանի բանակցությունները. մենք պետք է գնանք հեռուն և գտնենք լուծում։ Մենք չենք ցանկանում լարվածություն ոչ Էգեյան, ոչ էլ Միջերկրական ծովի արևելյան մասում», – ասել է Դավութօղլուն։

«Եկեք լուծենք այդ հարցը մեր էներգետիկ ռեսուրսները շահագործելու և Թուրքիայից Հունաստան բնական գազի հնարավոր ռեսուրսներ ներառելու համար»։

Հիշեցնենք՝ Միջերկրական ծովի արևելքում գազային հանքերի շահագործումը հանգեցրեց խաղաղ բանակցությունների խաթարման Կիպրոսի հույների ու թուրքերի միջև հոկտեմբերին։

Տեղեկացնում է «ՏԱՍՍ»–ը։