Մարդու իրավունքների պաշտպանի գրասենյակի կազմակերպած այսօրվա բաց քննարկմանը մասնակցող ՀՀ ոստիկանապետ Վլադիմիր Գասպարյանը պատասխանել է լրագրողների հարցերին։ Խոսելով համաժողովրդական շարժման կողմից իշխանափոխության պահանջի մասին՝ նա կարծիք է հայնտել, որ այժմ այն չի իրականանա։

–Իշխանափոխություն կլինի, բայց 2018թ.–ին,–ասել է Վ. Գասպարյանը։

Ինչ վերաբերում է ՀՀ վարչապետ Հովիկ Աբրահամյանի հայտարարությանը, որ Արտակարգ իրավիճակների և տարածքային կառավարման նախարարությունում ապագայում հնարավոր է ընդգրկվի նաև Ներքին գործերի նախարարությունը, Վ, Գասպարյանը նշել է.

–Ես մի քիչ այլ ձև եմ մտածում: Ոստիկանությունն ավելի ճիշտ է։ Ոստիկանությունը քաղաքականությունից դուրս է. ոստիկանապետը ոչ մի կուսակցության չի պատկանում և դրա համար ավելի ազատ է իր գործողություններում, կուսակցական ճնշումների չի կարող ենթարկվել: Կարծում եմ՝ ոստիկանության մոդելն ավելի ճիշտ է:

Ի դեպ, այսօրվա միջոցառմանը, երբ Վլադիմիր Գասպարյանը Կտակարան և ժամացույց է նվիրել մարդու իրավունքների պաշտպանին, հայտարարել է. «Մենք բոլորս մի փոքր ոստիկան ենք»։

Ոստիկանապետի այս խոսքերին հակադարձել է ՍԴ նախագահ Գագիկ Հարությունյանը. «Քեզ է թվում»:

7or.am