Հունվարի 9-ին, ժամը 01.36-ին, հիվանդանոցից ոստիկանության Տաշիրի բաժնում հաղորդում է ստացվել, որ «շմոլ գազի թունավորում» ախտորոշմամբ հիվանդանոց են տեղափոխվել Տաշիր քաղաքի 4 բնակիչ` 1974 թ. ծնված Վահրամ Մ.-ն, 1978 թ. ծնված Նելլի Մ.-ն, 1996 թ. ծնված Օվսաննա Մ.-ն եւ 1998 թ. ծնված Գրիգոր Մ.-ն:

Ոստիկանության լրատվության վարչությունից հայտնում են, թե պարզվել է, որ նույն օրը, ժամը 01.00-ի սահմաններում, տանը խոհանոցում գազի ջրատաքացուցիչի շմոլ գազի արտահոսքից վերջիններս վատ են զգացել եւ դիմել հիվանդանոց:

Վահրամ Մ.-ին, Նելլի Մ.-ին, Օվսաննա Մ.-ին եւ Գրիգոր Մ.-ին տրվել են դատաբժշկի ուղեգրեր:

Կատարվում է քննություն: