Լրահոս

01.10.2009 11:39


Հայաստան-Թուրքիա հարաբերությունների կարգավորման գործընթացի վերաբերյալ խորհրդարանական լսումները մեկնարկեցին

Հայաստան-Թուրքիա հարաբերությունների կարգավորման գործընթացի վերաբերյալ խորհրդարանական լսումները մեկնարկեցին

Քիչ առաջ մեկնարկել են ՀՀ Ազգային ժողովի արտաքին հարաբերությունների մշտական հանձնաժողովի կազմակերպած «Նախաստորագրված արձանագրությունները և Հայաստան-Թուրքիա հարաբերությունների կարգավորման գործընթացը» թեմայով խորհրդարանական լսումները: Լսումները նպատակ ունեն քաղաքական և հասարակական կազմակերպությունների, քաղաքական հետազոտական կենտրոնների ներկայացուցիչների և փորձագետների մասնակցությամբ բազմակողմանի քննարկում իրականացնել հրապարակված փաստաթղթերի հիման վրա Հայաստանի և Թուրքիայի միջև նախաձեռնվող գործընթացի վերաբերյալ:

Խորհրդարանի լեփ-լեցուն դահլիճում են քաղաքական կուսակցությունների, հասարակական կազմակերպությունների ներկայացուցիչներ, պատմաբաններ, դիվանագետներ և այլոք։

Բացման խոսքով հանդես է եկել ՀՀ ԱԺ նախագահ Հովիկ Աբրահամյանը։

-Այս լսումներն առանձնահատուկ են, քանի որ առաջին անգամ բոլոր շահագրգիռ ուժերի համար հնարավորություն է ստեղծվել ներկայացնել իրենց կարծիքները Հայաստանի և Թուրքիայի միջև հարաբերություններ հաստատելու վերաբերյալ,- նշել է Հ. Աբրահամյանը։

Ներկաներին բաժանված օրակարգում նշված է, որ բարձրացված հարցերին պետք է պատասխանի ՀՀ ԱԳ նախարար Էդվարդ Նալբանդյանը։

7or.am

 

Այս խորագրի վերջին նյութերը