ԱԺ ԲՀԿ խմբակցության պատգամավոր Միքայել Մելքումյանը համոզված է, որ «Շրջանառության հարկի մասին» օրենքի կիրառումը հետաձգելը քաղաքական, այլ ոչ թե տնտեսական հարց է.

–Դա զուտ քաղաքական հարց է, այլապես ի՞նչ է նշանակում՝ Կառավարությունը մեկ տարի առաջ ընդունած օրենքը չի կարող գործողության մեջ դնել:

Նա նաև հավելել է, որ չի կարելի 100 000-120 000–ի հասնող փոքր ու միջին ձեռնարկատերերին անորոշության մեջ պահել և խաղալ այդ մեծ զանգվածի հետ:

–Չի կարելի սոցիալական խարխուլ վիճակների վրա շահութաբեր տնտեսություն կառուցել: Տնտեսության ամենամեծ ռեսուրսը վստահությունն է։ Եթե չկա վստահության միջավայր, ներդրումներ չեն լինի։ Պետք է այնպիսի նախադրյալ ստեղծել, որ ներդրումները հոսեն,–նշել է ԲՀԿ–ական պատգամավորը:

7or.am