-Բացի այն, որ կան վտանգավոր արձանագրություններ, կա նաև անընդունելի գործողություն՝ հասարակությանն ապատեղեկատվություն ներկայացնելու հետ կապված,-«7օր»-ի հետ զրույցում ասել է Ազգային ժողովի նախկին նախագահ, պատգամավոր Տիգրան Թորոսյանը։

Պատգամավորը հաղորդել է, որ վերջին օրերին Սփյուռքից բազմաթիվ արձագանքներ է ստանում, «որ մարդիկ, ովքեր կարող են դիտել հայկական հեռուստաալիքները, ակնհայտորեն տեսնում են, որ ուղղակի կեղծիք է տեղի ունենում՝ հասարակական կարծիքի կեղծիք»։

-Այնպես որ, այս քայլը, որ իրականացվում է ապատեղեկատվության ուղղությամբ, ունենում է ճիշտ հակառակ արդյունքը։ Միգուցե որոշ ուշացումով, բայց մարդիկ հասկանում են, որ այստեղ իսկապես վտանգներ կան, հակառակ դեպքում որևէ մեկը չէր փորձի դա թաքցնել։

7or.am