Պահպանողական կուսակցության նախագահ Միքայել Հայրապետյանը «7օր»-ի հետ զրույցում նշել է, որ միանշանակ դել է հայ-թուրքական նախաստորագրված արձանագրություններին։

Նշենք, որ Պահպանողական կուսակցությունը ՀԱԿ անդամ է, իսկ Լևոն Տեր-Պետրոսյանը մինչ օրս միանշանակ դեմ չի արտահայտվել այս արձանագրություններին և հայ–թուրքական ներկայիս գործընթացներին։

«7օր»-ը Միքայել Հայրապետյանից փորձել է ճշտել, որ եթե դեմ են այս արձանագրություններին, ապա ինչո՞ւ չեն միացել ՀՅԴ-ի նախաձեռնած հայ-թուրքական  նախաստորագրված արձանագրությունների դեմ հայտարարությանը, որի տակ 12 կուսակցություն է ստորագրել։

-Եթե այնտեղ անկեղծ պետական շահը տեսնեինք, կմիանայինք, բայց  չեմ տեսել այդ շահը, որովհետև այս հանգրվանին հասցրած քաղաքականության դարբիններից մեկն են, որ Քոչարյանի հետ նախապատրաստեցին և հասցրեցին այս օրվան։ Եվ երբ այսպես դեմ են դուրս գալիս, կամ խաղ եմ տեսնում, որից չեմ հասկանում, կամ պարզապես կեղծում են, խայտառակ ձևով են կեղծում,-ասել է Միքայել Հայրապետյանը։

7or.am