Սիրիական բանակի հարձակումը երկրի չափավոր ընդդիմության ներկայացուցիչների վրա «ԱՄՆ–ի համար դուռ կբացի Սիրիայի նախագահ Բաշար Ասադին գրոհելու համար»։ Այս մասին հայտարարել է ԱՄՆ պետքարտուղար Ջոն Քերրին։

«Եթե Ասադը հարձակվի նրանց վրա «Իսլամական պետության» դեմ պայքարի պատրվակով, դա ԱՄՆ–ի համար դուռ կբացի Ասադի վրա հարձակվելու համար», – ասել է դիվանագետը՝ ելույթ ունենալով ԱՄՆ կոնգրեսի արտաքին գործերի հանձնաժողովի լսումներին։

Նրա խոսքերով՝ նախագահ Բարաք Օբաման դեռ չի որոշել՝ ԱՄՆ–ը կհարձակվի՞ Ասադի վրա, թե ոչ. «Բայց նա կարծում է, որ անհրաժեշտ է պաշտպանել ընդդիմությանը, որին մենք պատրաստում ենք»։

Քերրին նաև ընդգծել է՝ եթե ԱՄՆ–ը չոչնչացներ Ասադի քիմիական զենքը, ապա այն այսօր կլիներ ԻՊ ձեռքերում։

Տեղեկացնում է «ՏԱՍՍ»–ը։