ԱԺ ճեպազրույցների ժամին ՀԱԿ խմբակցության քարտուղար Արամ Մանուկյանը նշել է, որ Հայաստանի վերաբերյալ միջազգային բոլոր կառույցների գնահատականները շատ ցածր են:

–Հասկացա, որ Ռուսաստանի, Բելառուսի եւ Ղազախստանի առաջնորդների համար Հայաստանն ու Սարգսյանը գոյություն չունեն: Սարգսյանը ֆիգուրա չէ, դրա համար էլ նրան մարտի 20-ին չեն հրավիրել Աստանա: Չեն հրավիրի նաև մայիսի 8-ին,-նշել է Ա. Մանուկյանը՝ հավելելով, որ Հայաստանին կհրավիրեն միայն մասնակցելու Հաղթանակի 70–ամյակին նվիրված միջոցառումներին։

–Կարող են հրավիրել ֆուրշեթի, բայց ոչ՝ բանակցությունների սեղանի մոտ: Արկածախնդիր այս քաղաքականությունը Հայաստանին կարող է Եվրոպայի և ՌԴ–ի բախումների առանցք դարձնել,-ասել է Մանուկյանը:

Նա նաև նշել է, որ ՀՀԿ–ականները ջայլամի պահվածք են որդեգրել, ինչը քաղաքական դասալքություն է.

–Ինչքա՞ն կարելի է ոչինչ չնկատել կամ չնկատելու տալ։ Զբաղված են միայն իրենց բիզնես շահերն առաջ տանելով։

7or.am