Միջազգային միջնորդների «վեցնյակը» (ՄԱԿ ԱԽ 5 մշտական անդամները և Գերմանիան) և Իրանն ապրիլի 2–ին համաձայնության եկան, որ Իրանը 10 տարով 2/3–ով կկրճատի ուրանի հարստացման ծավալները։

Թեհրանը միջուկային ծրագրի խնդրով համաձայնագրի վերջնական տեքստը չի ստորագրի, եթե նրա դեմ կիրառվող բոլոր պատժամիջոցները չհանվեն։ Այս մասին այսօր հայտարարել է Իրանի նախագահ Հասան Ռոուհանին իր երկրի պետական հեռուստաընկերության եթերում.

«Մենք ցանկանում ենք փոխշահավետ գործարքի հասնել միջուկային խնդրով բանակցությունների բոլոր մասնակիցների հետ»։

Իրանի և «վեցնյակի» բանակցությունների արդյունքում արձանագրված համաձայնությունը պաշտոնապես կվավերացվի հունիսի 30–ին։ Այդ ընթացքում ԵՄ–ն կչեղարկի Իրանի դեմ կիրառվող պատժամիջոցները վերջինի՝ սահմանված պայմանավորվածությունները կատարելու դեպքում։

7or.am