Քաղաքական

22.04.2015 21:35


Պուտինը Հայոց Ցեղասպանության 100–ամյա տարելիցի կապակցությամբ հանդես է եկել ուղերձով

Պուտինը Հայոց Ցեղասպանության 100–ամյա տարելիցի կապակցությամբ հանդես է եկել ուղերձով

ՌԴ նախագահ Վլադիմիր Պուտինն «Աշխարհն առանց ցեղասպանությունների» հիշատակի երեկոյին հնչեցրած իր ուղերձում նշել է, որ Ռուսաստանը դեմ է ցեղասպանության ցանկացած դրսևորման, ու կոչ է անում միջազգային հանրությանը՝ պայքարել նման չարիքի դեմ։

Կրեմլի պաշտոնական կայքից տեղեկանում ենք, որ Պուտինը 1915թ. ապրիլի 24-ը ողբերգական տարելից է անվանել՝ պայմանավորված Հայոց ցեղասպանության՝ մարդկության պատմության ընթացքում ամենասարսափելի և ողբերգական իրադարձություններից մեկի հետ։

«100 տարի անց գլուխ ենք խոնարհում այդ ողբերգության բոլոր զոհերի հիշատակին։ Մեր երկրում այդ ողբերգությունը միշտ ընկալել են որպես սեփական ցավ և ողբերգություն։ Հայերի ու տարածաշրջանի մյուս ժողովուրդների նոր սերունդները պետք է ապրեն խաղաղության և համաձայնության պայմաններում»,–ասել է նա՝ հավելելով, որ ազգային հողի վրա զանգվածային ոչնչացումը չի կարող արդարացում ունենալ։

7or.am

Այս խորագրի վերջին նյութերը