Ադրբեջանական նացիոնալ բոլշևիզմը և հայկական «առաջադիմական» բոլշևիզմը

● Մեկնաբանություն

13.05.2015 ● 12:10

Ադրբեջանական նացիոնալ բոլշևիզմը և հայկական «առաջադիմական» բոլշևիզմը

Ադրբեջանում սեփականության խլման հերթական փուլն է։ Ալիևի վարչակազմը փողի կարիք ունի, քանզի դոլարային փոխարժեքի կտրուկ տատանումները հսկայական միջոցների կորստի պատճառ են դարձել։

Հերթական զոհը դարձել է ադրբեջանցի մի գործարար, որին մեղադրել են ... հայկական ծագում ունենալու մեջ։

Արդեն տևական ժամանակ է՝ գործարար Մամեդովի դեմ քարոզարշավ էր տարվում։ Պաշտոնական Բաքվի շահերը սպասարկող «Գեբելսյան» քարոզչամեքենան, փաստորեն, նախապատրաստում էր գործարարին ունեզրկելու ակտը՝ դրան տալով «գաղափարական» տեսք։ Մեղադրանքը մորական կողմից հայ լինելն է։

Այս պատմության մեջ ուշագրավն այն է, որ, ի տարբերություն Հայաստանի, որտեղ նույնպես բոլշևիկյան բնույթի իշխանություն է գործում, Ադրբեջանում բոլշևիզմը շականակագույն է, այսինքն՝ նացիոնալ ֆաշիզմի համադրությամբ է հանդես գալիս։ Այլ կերպ ասած՝ տնտեսական կյանքում Ալիևը բոլշևիկյան ոճի քաղաքականություն է վարում, իսկ ահա դրա գաղափարական վերնաշենքը մարազմի և ատելության գագաթնակետին հասնող հակահայկականությունն է։

Ադրբեջանում հայն արդեն մեղադրանք է, և առանց դատ ու դատաստանի պատժի ենթարկվելու՝ «ուղեգիր» է ստանում այդ մեղադրանքի տակ ընկնողը։

Ինչ վերաբերում է Հայաստանին, ապա այստեղ վիճակը համեմատաբար լավ է։ Որևէ մեկից սեփականություն չեն խլում «ադրբեջանցի» մեղադրանք ներկայացնելով։

Մեզանում ունեզրկման և «մեկ օլիգարխի տնտեսության» կառուցմանը տրվում է ոչ թե ֆաշիստական, այլ «դասակարգային» պայքարի տեսք։

Բաղրամյան 26–ն ալիևյան քաղաքականությունն է վարում տնտեսության մեջ, բայց դրա «գաղափարական» վերնաշենքը մատուցվում է ոչ թե ռասիստական կամ ազգայնամոլական փաթեթավորմամբ, այլ «Լավ օլիգարխիան՝ ընդդեմ վատ օլիգարխիայի» դեմագոգիկ լոզունգով։ Ասել է թե՝ Երևանում ու Բաքվում ձևով տարբեր, բայց բովանդակությամբ նույն՝ սեփականության խլման ու կենտրոնացման քաղաքականությունն են վարում։

Թե ինչի կհանգեցնի Ալիևի նացիոնալ բոլշևիզմը, դժվար չէ կռահել։ Մեզ պետք է լրջորեն մտահոգի այն, որ ադրբեջանական ֆաշիզմի թիրախը Հայաստանն ու Ղարաբաղն են, ու մենք Ադրբեջանի հետ գտնվում ենք կիսապատերազմական վիճակում։ Վիճակ, որը տանում է դեպի խոշորամասշտաբ պատերազմ։ Այն կանխելու միակ տարբերակը Հայաստանում «առաջադիմական» բոլշևիզմից հրաժարվելն ու քաղաքական փոփոխությունների գնալն է։

Կորյուն Մանուկյան

● Այս խորագրի վերջին նյութերը

Նիկոլը, Թուրքիան, Ադրբեջանն ու Արևմուտքը կյանքի են կոչում «Զանգեզուրի միջանցք» ծրագիրը

14.05.2024 ● 22:02

Նիկոլական բլեֆը նաև այլ երես ունի: Նա հայտարարել է, որ այս տարի ցանկանում է մաս կազմել ԵՄ-ին: Դա այն «կուտն» է, որի միջոցով նա փորձում է թաքցնել թուրք-ադրբեջանական օրակարգը սպասարկելու իր քաղաքականությունը:

Մայիսյան թեզիսներ կամ ինչպես խուսափել հեղափոխության «մանկական հիվանդություններից»

08.05.2024 ● 12:13

Մայիսի 9–ին ընդառաջ արժե հրաժարվել քաղաքական որոշ սիրված «սպորտաձևերից»։

Նիկոլի «ինքնիշխանության» բանաձևը

07.05.2024 ● 14:28

Նիկոլն առնվազն 2021 թ.-ից պարտական է Էրդողանին՝ ՀՀ-ում իշխելու համար: Նա բացահայտորեն սպասարկում է Թուրքիայի ու Ադրբեջանի շահերը:

5-րդ շարասյան «ֆոտոռոբոտը». հանքերի, թուրքերի «վկաներն» ու ռուսների «հակավկաները»

07.05.2024 ● 13:19

5-րդ շարասյան ներկայացուցիչը թուրքամետ է, արցախատյաց, մոլի հակառուս, հանքերի «վկա», ՀՀ տնտեսության թշնամի ու բացի այդ նաև՝ կատարյալ անգրագետ:

Նիկոլը Հայաստանը դարձնում է «պիլոտային ծրագիր»

26.04.2024 ● 12:29

Նիկոլը Հայաստանը հանձնելու «պիլոտային ծրագիր» է իրականացնում, ավելի ճիշտ՝ ցուցահանդես վաճառք։

«Ժողվարչապետի» հաշվետվությունը բրիտանական մամուլին

23.04.2024 ● 14:30

Փաշինյանը գիտի, որ ինքը դատվելու է, դրա համար էլ «մահապարտի» կարգավիճակով ձգտում է պահել իշխանությունը, իսկ եթե դա հնարավոր չէ, ապա կործանել Հայաստանը, որպեսզի իրեն դատող չլինի։

Լուկաշենկոն Ալիևի հետ մեկնել է օկուպացված Արցախ

ԱԱԾ-ն՝ ՔՊ-ականների պոչին․ «Կարճ ասած» (տեսանյութ)

Քաղաքային իշխանության պերճանքն ու թշվառությունը

● Մեկնաբանություն