Դամասկոսում գնդակոծել են ՌԴ դեսպանատունը։ Ռուսաստանի ԱԳՆ–ն սա որպես ահաբեկչական գործողություն է որակել։

«РИА Новости»–ն հայտնում է, որ գնդակոծումն իրականացվել է ականանետներից։ Ականներից մեկը պայթել է դեսպանատան կենտրոնական դարպասներից 15 մետր հեռավորության վրա, իսկ մյուսը, փլելով պատը, հայտնվել է աշխատանքային սենյակներից մեկում։

«Տեղի ունեցածը դիտարկում ենք որպես ահաբեկչական գործողություն՝ ուղղված ընդդեմ Ռուսաստանի, խստորեն դատապարտում ենք դա իրականացնողներին, կազմակերպիչներին և ոգեշնչողներին։ Հաստատում ենք մեր համերաշխությունը սիրիական իշխանություններին և նրանց ջանքերին՝ Սիրիայի տարածքում ահաբեկչության սպառնալիքին դիմագրավելու ուղղությամբ»,–ասված է ՌԴ ԱԳՆ հայտարարությունում։

7or.am