ՀՀ էներգետիկայի և բնական պաշարների նախարար Երվանդ Զախարյանը հրաժարվում է ասել, թե որտեղից է Կառավարությունը հայթայթել նաիրիտցիների աշխատավարձի պարտքը վճարելու գումարը։

–Կգա ժամանակը՝ կասենք,–այսօր ԱԺ–ում լրագրողներին ասել է Ե. Զախարյանը՝ այդուհանդերձ, վստահեցնելով, որ մինչև հուլիսի 15-ն աշխատավարձի պարտքը կմարվի:

Ինչ վերաբերում է էլեկտրաէներգիայի թանկացմանը, ապա նա հայտարարել է, որ որպես քաղաքացի՝ իր, իր ընտանիքի, ընկերների, բարեկամների համար էլ հաճելի չէ դա.

–Բայց հանձնաժողովը, հավանաբար, կներկայացնի հիմնավորումները:

Զախարյանը նաև պնդել է, որ չի ասել՝ ՀԷՑ–ում գողություն է տեղի ունեցել։

–Ես ասել եմ, որ նման կորուստների պայմաններում հնարավոր են նաև գողություններ և կոռուպցիոն ռիսկեր: Ես ոչ թե վստահ չեմ, այլ փաստեր չունեմ: Շուռ մի՛ տվեք իմ խոսքերը,-նշել է Զախարյանը:

7or.am