Աշխարհ

06.07.2015 22:00


«WikiLeaks»-ը նոր բացահայտումներ է հրապարակել ԱՄՆ-ի կողմից իրականացվող լրտեսման մասին

«WikiLeaks»-ը նոր բացահայտումներ է հրապարակել ԱՄՆ-ի կողմից իրականացվող լրտեսման մասին

Հայտնի «WikiLeaks»-ը նոր բացահայտումներ է հրապարակել ԱՄՆ-ի կողմից իրականացվող լրտեսման վերաբերյալ։

Ըստ կայքի տեղեկությունների՝ ԱՄՆ-ի հատուկ ծառայությունները հետևել են Բրազիլիայի ֆինանսական և քաղաքական էլիտային:

Նշվում է, որ գաղտնալսվել է նույնիսկ Բրազիլիայի նախագահի նստավայրում գտնվող հեռախոսը, իսկ ԱՄՆ-ի ինտենսիվ գաղտնալսման ցուցակում գրանցված էր մոտ 29 համար, որոնք պատկանում էին երկրի առաջադեմ քաղաքական և տնտեսական գործիչներին։

«Вести. ru»-ի փոխանցմամբ՝ 2 տարի առաջ Բրազիլիայի և ԱՄՆ-ի միջև հարաբերությունները սրվել են հենց ԱՄՆ-ի կողմից իրականացվող լրտեսական գործողությունների պատճառով: Սակայն վերջերս Ռուսեֆը այցելել է Վաշինգտոն և մամուլի ասուլիսի ժամանակ հայտարարել, որ լրտեսության հետ կապված լարվածությունը մնացել է անցյալում:

Դիլմա Ռուսեֆի խոսքերով` ԱՄՆ-ի նախագահ Բարաք Օբաման և ամերիկյան կառավարությունը նշել են, որ իրենք այլևս բարեկամ երկրների նկատմամբ լրտեսական աշխատանքներ չեն իրականացնում:

«Ես հավատում եմ Օբամային: Նա ասաց, որ եթե նրան անհրաժեշտ լինեն Բրազիլիայի մասին ոչ պաշտոնական տեղեկություններ, նա պարզապես կվերցնի հեռախոսը և կզանգի ինձ», - ասել է Ռուսեֆը:

Հիշեցնենք, որ վերջերս «WikiLeaks»-ը նաև նոր ապացույցներ էր ներկայացրել՝ ինչպես են ԱՄՆ հատուկ ծառայությունները, բրիտանացիների հետ համագործակցելով, գաղտնալսել Մերկելի և մի քանի տասնյակ գերմանացի բարձրաստիճան պաշտոնյաների հեռախոսազրույցները։ Գերմանիայում ԱՄՆ դեսպանը շտապ կանչվել էր կանցլեր Անգելա Մերկելի գերատեսչություն՝ բացատրություններ տալու ԱՄՆ ԱԱԳ–ի շուրջ ծագած լրտեսական նոր սկանդալի մասին։

7or.am

Այս խորագրի վերջին նյութերը