H1N1 վիրուսով (խոզի գրիպ) վարկաված հիվանդների թիվը Հայաստանում գնալով մեծանում է։ Ըստ Հայաստանի առողջապահության նախարարի օգնական Շուշան Հունանյանի՝ վերջին տվյալներով ևս երկու վարակված է հայտնաբերվել։

-Նրանցից մեկը Սանկտ-Պետերբուրգի մեր հայրենակիցն է՝ հայտնաբերված օդանավակայանից, մյուսը Էրեբունի հիվանդանոցից է։ Օդանավակայաններում հսկողություն է սահմանաված, վարակվածները հիվանդանոցներում մեկուսացված պայմաններում են բուժօգնություն ստանում, կանոնները պահպանված են, որ վարակը չտարածվի։ Մենք դրան ամիսներ առաջ էինք պատրաստվել, ու հիմա խուճապ չկա,-«7օր»-ի հետ զրույցում ասել է նա։

Շուշան Հունանյանի խոսքերով՝ H1N1 վիրուսով վարակված հայաստանյան առաջին հիվանդն արդեն դուրս է գրվել հիվանդանոցից և վերադարձել իր երկիր։

Ըստ որոշ գնահատականների՝ խոզի գրիպի տարածման հավանականությունը կմեծանա, քանի որ սեզոնային աշխատանքից տուն վերադարձող մեր հայրենակիցների հոսքը գնալով մեծանալու է։

7or.am