«Ժառանգություն» կուսակցության անունից Սահմանադրական բարեփոխումների նախագծին այս պահին որևէ գնահատական տալ չեմ կարող: Մինչև դրանք չքննարկենք կուսակցության ներկայացուցիչների հետ, ոչինչ ասել չեմ կարող: «Aysor.am»-ի թղթակցի հետ զրույցում ասաց «Ժառանգություն» կուսակցության փոխնախագահ Արմեն Մարտիրոսյանը:

Ա. Մարտիրոսյանից հետաքրքրվեցինք նաև, թե երբ է կուսակցությունը մտադիր քննարկել նոր նախագիծը, նա ասաց, որ, հավանաբար, հուլիս ամսվա վերջերին:

Նախկին պատգամավորն ընդգծեց միայն, որ ինքն անձամբ այդ բարեփոխումներին բացասական է վերաբերվում, քանի որ ներկայացված նախագիծը նմանվում է Խորհրդային Միության ժամանակների Սահմանադրությանը:

«Եթե այս Սահմանադրության կողքին էլ ավելացվի Կոմունիստական կուսակցությունը, որն այս դեպքում ՀՀԿ-ն է՝ գլխավոր քաղաքական ուժը, ապա ամեն ինչ կգա տեղը»,- եզրափակեց նա:

Մանրամասները՝ «Aysor.am»–ում։