ՀՀ կառավարության այսօրվա նիստում վարչապետ Հովիկ Աբրահամյանը նախարարներին հիշեցրել է ԱԳՆ–ի հետ իրենց պայմանավորվածության մասին, որ այլ երկրներում ՀՀ հյուպատոսների և դեսպանների հետ հանդիպումների մասին չպետք է տեղեկացնեն հանրությանն ու մամուլին:

Հ. Աբրահամյանն ընդգծել է, որ այդ պայմանավորվածությունը խախտողներ են եղել, և ինքը ստիպված է անուններ տալ՝ Սփյուռքի նախարար Հրանուշ Հակոբյանը հանդիպել է Հալեպի գլխավոր հյուպատոսի, առողջապահության նախարար Արմեն Մուրադյանը՝ Շվեդիայի դեսպանի, սպորտի և երիտասարդության հարցերի նախարար Գաբրիել Ղազարյանը՝ Նիդեռլանդներում ՀՀ դեսպանի հետ։

Նրանք երեքը Հովիկ Աբրահամյանի կողմից նկատողություն են ստացել։

–Ձեռնպա՛հ մնացեք լրատվամիջոցներին այդ մասին տեղեկացնելուց,- հրահանգել է նա։

Միջամտել է ՀՀ պաշտպանությանը Սեյրան Օհանյանը՝ հետաքրքրվելով, թե որն է նման պայմանավորվածության պատճառը։

–Խանգարում է արտաքին քաղաքականությանը։ Հիմա, Սեյրա՛ն Մուշեղիչ, եթե դուք ասեք՝ բանակի հրամանատարներին մի՛ հանդիպեք, մենք չենք հանդիպի,–արձագաքել է Հ. Աբրահամյանը։

7or.am