Քաղաքական

06.08.2015 15:19


Սուրիկ Խաչատրյան. «Չեմ կարծում, որ հրաժարական կտամ» (տեսանյութ)

Սուրիկ Խաչատրյան. «Չեմ կարծում, որ հրաժարական կտամ» (տեսանյութ)
Սյունիքի մարզպետ Սուրիկ Խաչատրյանի խոսքով՝ իր որդին՝ այժմ կալանքի տակ գտնվող Տիգրան Խաչատրյանը, բանակից տարկետման իրավունք է ստացել, քանի որ 2013 թվականի հունիսին Գորիսում իրենց տան մոտ տեղի ունեցած սպանության հետևանքով «ցնցումներ է ունեցել»: Այս մասին հայտնում է «Ազատություն»–ը։

«Տարկետման իրավունքը հիմնականում բռնվելուց ցնցումների մեջ էր, այդ երեք ամիսը, որ ձերբակալված էր: Իսկ դրանից հետո էլ դատաքննությունը գնում էր, իրեն չէին կարող զորակոչել: Բայց ավարտվի դատաքննությունը, այս քննությունն էլ կգնա, ընթացքի մասին բոլորիս հայտնի կլինի»,-Կառավարության շենքի մոտ, ի պատասխան «Ազատության» հարցին, ասաց Սյունիքի մարզպետը:

Հարցին, թե ինչով է պայմանավորում, որ միջադեպից երկու ամիս անց որոշվեց ձերբակալել իր որդուն, Խաչատրյանն արձագանքեց․ «Ես էլ չեմ կարում հասկանամ: Որովհետև այդ ձերբակալումը, անկեղծ որ խոսանք, անօրինական էր, ճիշտ չէր, որովհետև իսկապես ինքը դրան տեղյակ չէր: Բայց, ամեն դեպքում, ես խնդիր էլ չեմ տեսնում: Քննությունը կգնա իրա արդար ճանապարհով և լուծումը կստանա»:

Լրագրողների հարցին, թե հնարավո՞ր է՝ կրկին հրաժարական տա, մարզպետը պատասխանեց․ «Չեմ կարծում: Չեմ ուրախացնի ձեզ»:

Մանրամասները՝ «Ազատություն»–ում։

Այս խորագրի վերջին նյութերը