Քաղաքական

20.08.2015 22:32


Մտադիր են սահմանադրական փոփոխությունների հանրաքվեն անցկացնել սեպտեմբերի վերջին

Մտադիր են սահմանադրական փոփոխությունների հանրաքվեն անցկացնել սեպտեմբերի վերջին

Ծաղկաձորում՝ «Բազե» համահայկական երիտասարդական հավաքի ժամանակ, ՀՀ ԱԺ նախագահ Գալուստ Սահակյանը լրագրողներին ասել է, որ սահմանադրական փոփոխությունների հանրաքվեն անց է կացվելու 2015թ. սեպտեմբերի վերջին։

Նա նաև հավելել է, որ գտնվել է երկրի գերագույն գլխավոր հրամանատարի հարցի լուծումը։

–Անհրաժեշտության դեպքում խորհուրդը կլուծի բոլոր հարցրերը։ Պատերազմական դրության ժամանակ վարչապետը դառնում է գերագույն գլխավոր հրամանատար: Այս հարցում որևէ վտանգավոր բան չենք տեսնում,–նշել է Գ. Սահակյանը։

Իսկ թե կառավարման մոդելի փոփոխությունից հետո ի՞նչ պաշտոնում է տեսնում իրեն, նա պատասխանել է.

–ԱԺ նախագահ Գալուստ Սահակյանի գլխավոր պաշտոնը Գալուստ Սահակյանն է։ Այդ պաշտոնն ինձ համար ավելի բարձր է, քան ԱԺ նախագահը։

Նա նաև խոստովանել է, որ խորհրդարանի նիստերը դիտավորյալ այնպես է վարում, որ վեճ առաջանա։

–Եթե վեճ չկա, երկիրը վերածվում է ավտորիտար պետության,–հավելել է նա:

7or.am

Այս խորագրի վերջին նյութերը