Սիրիայի նախագահ Բաշար Ասադը հայտարարել է, որ արևմտյան ԶԼՄ–ն ճիշտ չի հասկանում՝ «ռազմական աջակցությունն» ինչ է, թեև Իրանն իրոք ռազմատեխնիկա է մատակարարում Սիրիային։ Այս մասին հայտնում է «Интерфакс»–ը։

Ասադի խոսքով՝ Թեհրանը զորք չի ուղարկել Սիրիայի տարածք։

«Բնականաբար, Սիրիայի և Իրանի միջև ռազմական մասնագետների փոխանակում տեղի է ունենում։ Սակայն դա կատարվել է մշտապես։ Իհարկե, նման փոխգործակցությունն ակտիվանում է պատերազմի պայմաններում»,–հավելել է Ասադը։

Նա ընդգծել է, որ Իրանի կողմից տրամադրվող ռազմական օգնությունը նպաստում է պատերազմում Սիրիայի ամրությանը։

Նշենք՝ ավելի վաղ ԱՄՆ պետքարտուղար Ջոն Քերրին հայտարարել էր, որ ռուսական իշխանությունների կողմից Ասադի ռեժիմին աջակցությունը հանգեցնում է հակամարտության սրման ռիսկի։

7or.am