-Ընդհանրապես տարօրինակ է, որ դրան այդքան մեծ ուշադրություն է դարձվում, որովհետև վարչապետը, լինի Հանրապետական կուսակցության անդամ, չլինի, իրականացնում է այդ կուսակցության քաղաքականությունը։ Բայց քանի որ նա որոշել է դառնալ կուսակցության անդամ, դա մեկ բան կարող է նշանակել, որ սև ամպեր էին կուտակվել նրա գլխին, և Հանրապետական կուսակցությունը հստակ հարց է դրել, որ նա կա՛մ պետք է լինի կուսակցության անդամ, կա՛մ պետք է հրաժարական տա։ Հասարակության համար դա ոչինչ չնշանակող քայլ է, սակայն քաղաքական առումով սա նշանակում է, որ նա ոչնչով չի տարբերվում գործող օլիգարխիկ կլանից, և այդ ամենը փաստագրվեց, վավերացվեց,- վարչապետ Տիգրան Սարգսյանի ՀՀԿ անդամ դառնալու վերաբերյալ ասել է Երևանի նախկին քաղաքապետ, ՀԱԿ անդամ Վահագն Խաչատրյանը։

Նրա կարծիքով՝ այդ քայլով Հանրապետական կուսակցությունը ևս մեկ անգամ հաստատում է, որ ինքն է խաղի կանոնները թելադրողը, և եթե որևէ մեկն իրենց հետ է աշխատում, ուրեմն պետք է անպայման իրենցից մեկը լինի։

7or.am