Սլովենիայի վարչապետ Միրոսլավ Ցերարը հայտարարել է, որ իր երկիրը կքննարկի ներգաղթյալների համար միջանցք ստեղծելու հարցը, եթե նրանց հոսքը շատ մեծ լինի։ Այս մասին գրում է «Reuters»–ը։

«Եթե ճնշումը չափազանց մեծ լինի, ապա մենք իսկապես կքննարկենք մեր երկրով միջանցքի ստեղծման հարցը հետաքրքրված պետությունների հետ։ Մենք կապի մեջ ենք հարևան երկրների հետ»,–ասել է Ցերարը։

Նշենք, որ Սլովենիան խզել է Խորվաթիայի հետ երկաթուղային հաղորդակցությունը Դոբովա սահմանային անցակետում։ Նման որոշում է կայացվել ներգաղթյալների առաջին հոսքի պատճառով, որոնք Սլովենիա են հասել գնացքներով։

Ավելի վաղ Սլովենիայի իշխանությունները հայտարարել էին, որ դեռ պատրաստ չեն միջանցք տրամադրել փախստականներին՝ Արևմտյան Եվրոպա հասնելու համար։

7or.am