ԵԱՀԿ Մինսկի խմբի համանախագահները շարունակում են աշխատել ղարաբաղյան հակամարտության համապարփակ համաձայնագրի մանրամասների վրա։ Այս մասին «BBC»-ի ռուսական ծառայությանը տված հարցազրույցում ասել է ամերիկացի համանախագահ Ջեյմս Ուորլիքը:

Միաժամանակ, նա ընդգծել է, որ համապարփակ համաձայնագրի մանրամասների համաձայնեցումն առաջին հերթին կախված է Սարգսյանի և Ալիևի քաղաքական կամքից:

«Հայ-ադրբեջանական սահմանի երկայնքով ու զորքերի շփման գծում մեծ լարվածություն է նկատվում: Մենք անհանգստացած ենք զինադադարի ռեժիմի խախտման դեպքերով ու հակամարտության կողմերի կողմից ծանր սպառազինության օգտագործմամբ: Դա անթույլատրելի է: Հատկապես անհանգստացած ենք խաղաղ բնակչության շարքերում արձանագրված զոհերով»,-ասել է Ուորլիքը:

7or.am