ԵԽԽՎ աշնանային նստաշրջանի առաջին օրը կայացած ճեպազրույցում ԵԽԽՎ նախագահ Անն Բրասերն անդրադարձել է ղարաբաղյան հակամարտությանը։ Նա նշել է, որ արձանագրվող բռնությունները մտահոգում են իրենց։

«Պետք է ճնշում գործադրենք երկու կողմերի վրա, որպեսզի համաձայնության հասնենք և կարգավորման որոշում գտնենք»,–ասել է Բրասերը։

Նա նաև հավելել է, որ եթե սկզբում մամուլի առաջին էջերում Ուկրաինան էր, հետո՝ միգրանտների հարցերը, որոնք անհետանում են գլխագրերից, ապա այս հակամարտությունը մնում է։

Ինչ վերաբերում է Ադրբեջանում կայանալիք խորհրդարանական ընտրություններին դիտորդական առաքելություն ուղարկելու ԵԽԽՎ-ի որոշմանը, Բրասերը նշել է, որ Ադրբեջանում մարդու իրավունքների վիճակը կտրուկ վատթարացել է։

«Պետք է Ադրբեջանի իշխանություններին կոչ անենք փոխել վերաբերմունքը մարդու իրավունքների նկատմամբ»,-նշել է նա։

7or.am