«Չեք անցկացնի» նախաձեռնության անդամ Դավիթ Հավհաննիսյանը «Zham.am»-ի հետ զրույցում տեղեկացրեց, որ երեկ երեկոյան հոկտեմբերի 2-ի հանրահավաքի մասին իրազեկում անցկացնելու ժամանակ բերման են ենթարկել նախաձեռնության 4 ակտիվիստի` Արթուր Մինասյանին, Կարպիս Փաշոյանին, Հրայր Մանուկյանին ու Հայկ Ավետիքյանին:
Դավիթ Հովհաննիսյանը հայտնեց, որ գիշերը ժամը 1-ից 2-ն ընկած ժամանակահատվածում նրանք դուրս են եկել՝ հոկտեմբերի 2-ի հանրահավաքի վերաբերյալ քաղաքի կենտրոնական մասում գրաֆիտի անելու, իսկ ոստիկանությունը հետևել և բերման է ենթարկել նրանց.
«Հետևել են նաև մյուս ակտիվիստներին, սակայն բերման է ենթարկվել չորսը, իսկ հետո ազատ են արձակել: Նրանց նկատմամբ վարչական վարույթ է հարուցվել»,-ասաց նախաձեռնության անդամը:
Հիշեցնենք, որ հոկտեմբերի 2-ին՝ ժամը 18.00-ին, Ազատության հրապարակում «Չե՛ք անցկացնի» նախաձեռնությունը հրավիրել է համապետական հանրահավաք:

Աղբյուրը՝ «Zham.am»