Սիրիայի զինված ուժերի գլխավոր շտաբի պետ, գեներալ Ալի Այուբը հայտարարել է, որ իրենք այսօր լայնամասշտաբ հարձակում են սկսել, քանի որ ՌԴ օդուժի ավիահարվածները Սիրիայում խարխլել են «Իսլամական պետություն» ահաբեկչական խմբավորման և այլ կազմավորումների մարտական կարողությունները։ Այս մասին հայտնում է «ՏԱՍՍ»–ը։

Ալի Այուբը նշել է, որ սիրիական բանակի հարձակման նպատակը ահաբեկչական խմբավորումների ոչնչացումն է և նրանց վերահսկողության տակ գտնվող բնակավայրերի ու տարածքների ազատագրումը:

Սիրիական զորքերն աշխարհազորայինների աջակցությամբ հարձակման են անցել մայրաքաղաք Դամասկոսից 200 կմ հյուսիս գտնվող Համա գավառում:

Կառավարական բանակը երկու ուղղությունով ազատագրել է մի քանի բնակավայր, ռազմավարական նշանակություն ունեցող բարձունքներ՝ առաջ շարժվելով 70 և 50 կմ։

Կողմերը կիրառում են հրետանի և զրահատեխնիկա:

Հիշեցնենք՝ Սիրիայի փոխարտգործնախարար Ֆեյսալ Միքդադը հայտարարել էր, որ ահաբեկիչների դեմ ՌԴ գործողություններն ավելի արդյունավետ էին, քան ԱՄՆ-ի գլխավորած կոալիցիայի։

7or.am