-Դա Վարդան Խաչատրյանի իրավունքն է։ Նա կայացած քաղաքական գործիչ է։ Թե ինչպես նա կդրսևորի իր վարքագիծը քաղաքական դաշտում, դրա գնահատականը միայն նա պետք է տա։ Ես ի՞նչ իրավունք ունեմ գնահատականներ տալու,- մեկնաբանելով Վարդան Խաչատրյանի՝ ՍԴՀԿ անդամ դառնալու փաստը՝ «7օր»-ին ասել է «Ժառանգություն» կուսակցության նախկին անդամ Զոյա Թադևոսյանը։

Նա նաև տեղեկացրել է, որ «Ժողովրդի իշխանություն հասարակական քաղաքական նախաձեռնությունը», որը ստեղծվել է «Ժառանգություն» կուսակցությունից դուրս մնացած (հեռացվածներ և կուսակցությունն ինքնակամ լքածներ) 33 անդամների կողմից, հուշագիր է ստորագրել, որին ակտիվորեն անդամագրվում են հասրակական և քաղաքական գործիչներ։

7or.am