Հետախուզական գործակալությունները կարողացել են կանխել Մեծ Բրիտանիայում, Ֆրանսիայում և Գերմանիայում պակիստանցի գրոհայինների նախապատրաստած մի շարք ահաբեկչական գործողություններ։

Սա հնարավոր է դարձել եվրոպական երկրների  և ԱՄՆ-ի հետախուզական գործակալությունների համակարգված գործողությունների շնորհիվ։

Ըստ իրավապահ մարմինների՝ Պակիստանի գրոհայինները նախատեսում էին եվրոպական քաղաքներում ահաբեկչական գործողություններ իրականացնել 2008թ. նոյեմբերին Մումբայում իրականացվածների սցենարով։

Այն ժամանակ ահաբեկիչները բաժանվել են չորս խմբի և  միաժամանակյա մի շարք ահաբեկչական գործողություններ իրականցրել Վիկտորիա կայարանում, «Թաջ Մահալ» ու «Օբերոյ» հյուրանոցներում և ոստիկանության բաժանմունքում։

Հնդկական  հատուկ նշանակության ջոկատներին հաջողվել էր պատանդներին ազատել միայն երրորդ օրը։  Ընդհանուր առմամբ, ծայրահեղականների գործողությունների հետևանքով 165 մարդ էր սպանվել։