ԱՄՆ փոխնախագահ Ջո Բայդենը հայտարարել է, որ չի առաջադրի իր թեկնածությունը 2016թ. նախագահական ընտրություններում։ Այս մասին, «CBS»–ի տեղեկացմամբ, Բայդենն ասել է Սպիտակ տանն իր ելույթի ժամանակ։ Այդ պահին նրա կողքին են եղել կինը՝ Ջիլը, և ԱՄՆ նախագահ Բարաք Օբաման։

«Չնայած այն բանին, որ ես չեմ առաջադրվելու, ես լռության մեջ էլ չեմ մնալու»,–ասել է Բայդենը։

Ավելի վաղ «The Washington Post»–ի կայքում սխալմամբ «Փոխնախագահ Բայդենը ծրագրում է մտնել նախագահական ընտրարշավ» խորագրով փոքրիկ հոդված էր հրապարակվել, որն ավելի ուշ հեռացվել էր կայքից և փոխարինվել «Նշված տեքստը սխալմամբ է հրապարակվել» գրությամբ։

7or.am