Թուրք­-սիրիական սահմանի մերձակայքում հայ ընտանիքի գնդակոծության մասին նոր մանրամասներ են ի հայտ եկել: Հոկտեմբերի 22-­ին թուրք-­սիրիական սահմանի մերձակայքում Ղամիշլի ավանի բնակիչներ Ավետիսյանների ընտանիքը հայտնվել էր դիպուկահարների թիրախում:

Այս մասին «Արմենպրես»-­ը տեղեկացավ «Գանձասար» թերթի խմբագրությունից: Դիպուկահարների կրակոցից ընտանիքի որդին՝ 15–ամյա Արմեն Ավետիսյանը, հրազենային երկու վնասվածք է ստացել և տեղում մահացել: Աղբյուրի տեղեկացմամբ` Ղամիշլիի «Գանձասարի» աշխատակիցը հայտնել է, որ Ավետիսյանների ընտանիքի չորս անդամները՝ հայրը, մայրը, դուստրը և որդին, Ղամիշլիից ուղղվել են դեպի Թուրքիայի սահման, և դիպուկահարները կրակ են բացել նրանց ուղղությամբ:

Ավետիսյանները դեպքից հետո վերադարձել են Ղամիշլի:

Մանրամասները՝ «Արմենպրես»–ում։