ԵԱՀԿ Մինսկի խմբի համանախագահները ձգտում են Սարգսյան-Ալիև հանդիպումը կազմակերպել մինչև տարեվերջ։ Այս մասին հայտնել է Երևանում գտնվող ԵԱՀԿ Մինսկի խմբի ամերիկացի համանախագահ Ջեյմս Ուորլիքը: Հենց այդ հարցն էլ լինելու է Երևան և Բաքու համանախագահների այցի քննարկման թեմաներից մեկը։

«Որքան գիտեմ՝ դեկտեմբերի սկզբին Հայաստանում հանրաքվե է տեղի ունենալու։ Այդ պատճառով հանդիպումը, ելնելով նախագահների գրաֆիկից, հնարավոր է՝ կազմակերպվի հանրաքվեից հետո, բայց մինչև տարեվերջ»,-ասել է Ուորլիքը:

Նա նաև հավելել է, որ ԼՂ հակամարտության համապարփակ լուծումը հնարավոր չի լինի, եթե անտեսվի փախստականների խնդիրը:

Այս մասին այսօր՝ հոկտեմբերի 26-ին, Երեւանում հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:

«Տարածաշրջանում առկա հարյուր հազարավոր փախստականներին պետք է ականջալուր լինել»,-նշել է նա՝ ավելացնելով, որ փախստականները և ներքին տեղահանվածները պետք է իրենց տները վերադառնալու հնարավորություն ունենան։

Ուորլիքը նաև նշել է, որ Հայաստանի կողմից ԼՂ անկախության ճանաչումը Բաքվում սադրիչ քայլ կդիտարկվի։

7or.am