ԱՄՆ–ը զերծ կմնա Սիրիայում «Իսլամական պետության» դեմ ցամաքային գործողություններից։ Այս մասին, «ՏԱՍՍ»–ի փոխանցմամբ, ասել է Սպիտակ տան ներկայացուցիչ Էրիկ Շուլցը։

«Մենք մտադիր չենք տևական, լայնածավալ ռազմական գործողություններ իրականացնել, ինչպիսիք ԱՄՆ–ն իրականացրել է Իրաքում և Աֆղանստանում»,- հայտարարել է Շուլցը։

Ըստ Սպիտակ տան ներկայացուցչի՝ Վաշինգտոնը որոշ դեպքերում չի բացառում գործընկերների հետ սահմանափակ գործողությունների անցկացումը։

Հիշեցնենք՝ ավելի վաղ Պենտագոնի ղեկավար Էշթոն Քարթերը հայտարարել էր, որ ԱՄՆ–ը ցամաքային գործողություններ կսկսի Իրաքում և Սիրիայում։

7or.am