Իրաքի իշխանությունները կարողացել են «Իսլամական պետության» զինյալներից հետ խլել երկրի գրեթե բոլոր նավթահանքերը։ Այս մասին հայտնում է «Sputnik»–ը՝ Իրաքի նավթի նախարարության պաշտոնական ներկայացուցիչ Ասսեմ Ջիհադին հղումով։

Նա պատմել է, որ իրաքյան բանակը հետ է գրավել Սալահ էդ–Դին գավառը, սակայն ԻՊ գրոհայինները դեռ վերահսկում են Նայվան գավառի նավթահանքերի մի մասը։ Ջիհադի խոսքերով՝ ԻՊ–ն ի վիճակի չէ ինքնուրույն հանքամշակել նավթը, քանի որ դրա համար չունի տեխնիկական փորձ։

Այդուհանդերձ, արդեն իսկ գողացված նավթի պաշարներից ահաբեկիչների եկամուտները դեռևս հսկայական են։

7or.am