Գերմանիայի առաջնության 11–րդ տուրի շրջանակներում այսօր կկայանա «Վերդեր»–«Բորուսիա» հանդիպումը։

Ներկա դրությամբ՝ թիմերը գտնվում են մրցաշարային աղյուսակի տարբեր բևեռներում. բրեմենյան ակումբը զբաղեցնում է 14–րդ տեղը՝ հավաքած 10 միավորով, իսկ դորտմունդցիները 2–րդն են՝ ունենալով 23 միավոր, բայց «Բավարիա»–ից հետ մնալով արդեն 7 միավորով։

Նախորդ մրցափուլում «Վերդեր»–ն արտագնա հանդիպմանը հաղթանակ տոնեց «Մայնց»–ի նկատմամբ՝ 3:1 հաշվով։ Հաղթանակը նրան հնարավորություն է տվել կասեցնել 5 պարտությունից բաղկացած շարքը։

Ինչ վերաբերում է «Բուրուսիա»–ին, ապա Բունդեսլիգայի նախորդ մրցափուլում այն սեփական դաշտում հաղթեց «Աուգսբուրգ»–ին 5:1 հաշվով, իսկ չորեքշաբթի օրը Գերմանիայի գավաթի 1/16–ի շրջանակում ջախջախեց «Պադերբորն»–ին՝ 7:1։

Գերմանիայի առաջնությունում «Բորուսիա»–ի և «Վերդեր»–ի անհատական հանդիպումների վիճակագրությունը խոսում է դորտմունդցիների օգտին. Հենրիխ Մխիթարյանի թիմը հաղթել է բրեմենցիների հետ վերջին 8 հանդիպումներից 7–ում։

Այսօրվա խաղի մեկնարկը՝ երևանյան ժամանակով 18:30–ին։

7or.am