ԱՄՆ նախագահ Բարաք Օբաման հայտարարել է, որ Սիրիա ուղարկված ամերիկացի ռազմական հատուկ ստորաբաժանումների խորհրդականները չեն մասնակցի ցամաքային գործողությանը։ Այս մասին հայտնում է «Reuters»–ը։

Նա հավելել է, որ «ԱՄՆ ռազմական մասնագետների նպատակն են վարժանքները, խորհրդակցությունները և օգնության տրամադրումն այն ուժերին, որոնք պայքար են մղում «Իսլամական պետության» ահաբեկիչների դեմ»։ Ըստ Օբամայի՝ դեմառդեմ ցամաքային գործողությունը, որն իրականացվել է Իրաքում, չի լուծի սիրիական խնդիրը։

Ավելի վաղ ԱՄՆ պետքարտուղար Ջոն Քերրին հաղորդել էր, որ ԱՄՆ–ը Սիրիա զինվորականներ ուղարկելու դեպքում ծրագրում է համաձայնեցնել իր գործողությունները ՌԴ հետ, որը սեպտեմբերի վերջից ավիահարվածներ է հասցնում ահաբեկչական խմբավորումների դիրքերին։

7or.am