Պենտագոնի ղեկավար Էշթոն Քարթերը հայտարարել է, որ ամերիկյան զինվորականների լրացուցիչ խմբեր կարող են ուղարկվել Սիրիա, եթե ԱՄՆ–ը «տեղական» ուժեր գտնի, որոնց հետ կարող է պայքարել «Իսլամական պետության» դեմ։ Այս մասին, «Գազետա»–ի փոխանցմամբ, նա ասել է «ABC News»–ի հետ հարցազրույցում։

«Եթե մենք լրացուցիչ խմբեր գտնենք, որոնք ուզում են պայքարել ԻՊ դեմ, և որոնք ունակ և շարժառիթ ունեցող մարդիկ են, մենք կանենք ավելին։ Նախագահը հայտարարել է ավելին անելու իր ցանկության մասին։ Ես, իհարկե, պատրաստ եմ նրան խորհուրդ տալ անել ավելին, բայց հարկավոր են տեղական կարող ուժեր. դա կայուն հաղթանակի բանալին է»,–ասել է Քարթերը։

Ավելի վաղ հայտնի էր դարձել, որ ԱՄՆ–ը պատրաստվում է Սիրիա փոքրաթիվ՝ 20–30 մասնագետ ուղարկել, որոնք այնտեղ հանդես կգան իբրև խորհրդատուներ։

7or.am