Աշխատանքային այցով ՀՀ–ում գտնվող Ռուսաստանի արտաքին գործերի նախարար Սերգեյ Լավրովը հայտարարել է, որ ՌԴ–ն կողմնակից է ԼՂ–ի հիմնախնդրի բացառապես խաղաղ կարգավորմանը։

Նա հավելել է, որ Ռուսաստանը շարունակելու է աջակցել կողմերին՝ գտնելու ԼՂ–ի խնդրի լուծման ուղիները:

–Ռուսաստանը՝ որպես ԵԱՀԿ Մինսկի խմբի համանախագահող երկիր, շարունակելու է ակտիվ միջնորդությունը խաղաղ կարգավորման հարցում դրական արդյունքների հասնելու համար,-հավելել է նա՝ նշելով, որ առաջիկայում ևս կշարունակեն կողմերին աջակցել մշակելու խնդրի կարգավորման կոնսենսուսային հիմքեր:

Ինչ վերաբերում է ԵԽԽՎ հանձնաժողովի ընդունած զեկույցին, Լավրովն ընդգծել է, որ ԼՂ–ի կարգավորման հարցում միջազգային հանրությունից մանդատ չստացած կառույցներին ներքաշելը ճիշտ չէ։ Նա նաև ընդգծել է, որ ցանկացած շոշափելի արմատական քայլ, ով էլ դա ձեռքնարկի, վնասում է ԵԱՀԿ համանախագահների գործողություններին։

7or.am