Հովհաննես Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանի համար անհասկանալի է սահմանադրական փոփոխությունների նախագծում մատնանշված «կայուն մեծամասնություն» հասկացությունը։ Լրագրողների հետ զրույցում այսօր նա նշել է, որ ապրել ենք միակուսակցական համակարգում, և շարունակում ենք ապրել:

–Կայուն մեծամասնությունը բերելու է վատ հետևանքների։ Նաև՝ չեմ կարծում, որ նախկին Սահմանադրությունը մեզ թույլ չէր տալիս լինել ավելի զարգացած ու ժողովրդավար,-հավելել է նա:

Ռ. Բաբայանի համար Հայ առաքելական եկեղեցուն հատուկ կարգավիճակ տալն էլ է անհասկանալի.

–Եթե ուզում ենք, որ եկեղեցին մնա հոգևոր դաշտում՝ պետությունից հեռու, պետք է թույլ տանք նրան գործել ազատության, բոլորի համար հավասար պայմաններում: Թե չէ կնմանվի նրան, որ երբ ծնողներն ամբողջ սերն ու ուշադրությունը տալիս են երեխաներից միայն մեկին, նրան վերջում դարձնում են անկառավարելի։

7or.am