ՀՀ կառավարությունն իր այսօրվա նիստում հավանություն է տվել Եվրասիական զարգացման բանկի միջև «Ոռոգման համակարգերի արդիականացում» ծրագրի ֆինանսավորման համար Եվրասիական տնտեսական ընկերակցության հակաճգնաժամային հիմնադրամի միջոցներից ներդրումային վարկի տրամադրման մասին համաձայնագրին։

Համաձայն դրա՝ Հայաստանին կտրամադրվի 40 մլն ԱՄՆ դոլարի ներդրումային վարկ։

Նախատեսվում է արդիականացնել ոռոգման համակարգերը և զարգացնել ջրօգտագործողների միավորումների ինստիտուցիոնալ կարողությունները:

Մեկ այլ վարկ էլ վերցվել է Ասիական զարգացման բանկից՝ 2015թ. հոկտեմբերի 19-ին ստորագրված «Սեյսմիկ անվտանգության բարելավման ծրագիր-Արդյունքների վրա հիմնված փոխատվություն» վարկային համաձայնագրի շրջանակներում:

Դրանով նախատեսվում է ՀՀ–ին 88.5 մլն ԱՄՆ դոլարի վարկ տրամադրել՝ 25 տարի մարման ժամկետով, 5 տարի արտոնյալ պայմաններով և տարեկան 2% ֆիքսված տոկոսադրույքով։

Այդ ծրագրով պետք է բարելավվի դպրոցների սեյսմակայունությունը, հզորացվեն սեյսմիկ աղետի պատրաստվածության և արձագանքման կարողությունները։

7or.am