Ֆրանսիայում արագընթաց գնացք է վթարի ենթարկվել։ Ֆրանս–գերմանական սահմանից ոչ հեռու գնացքը դուրս է եկել ռելսերից, և վագոնների մի մասն ընկել է գետը։ Նաև տեղի է ունեցել հրդեհ։ Գնացքը փորձարկում էր իրականացնում։ Այս մասին հայտնում է Le Parisien–ը։

Ճշտված տվյալների համաձայն՝ վթարի հետևանքով զոհվել է 5, վիրավորվել 60 մարդ։ Նրանք բոլորը տեխնիկական աշխատակիցներ են։

Տեղական իշխանությունները նշել են, որ վթարի պատճառը գնացքի չափից ավելի արագ ընթանալն է եղել։

Գնացքն ուղևորվելիս է եղել Ստրասբուրգ այն ճանապարհով, որը նախկինում երբեք չէր շահագործվել։

***

«Ֆրանս պրես» գործակալությունը հաղորդում է, որ զոհերի թիվը հասել է 10–ի։ Վիրավորների առողջական վիճակը գնահատվում է ծայրահեղ ծանր։

Հետաքննությունը չի բացառում ահաբեկչության վարկածը։

7or.am