Արագընթաց գնացքում, որը Ֆրանսիայում շաբաթ օրը կամուրջից ընկել էր գետը, նաև մի քանի երեխաներ են եղել։ Այս մասին հայտնում է ТАСС–ը՝ վկայակոչելով Ֆրանսիայի երկաթգծային վարչությանը։

Ներկա դրությամբ դեռևս պարզված չէ՝ երեխաները զոհվածների թվում կա՞ն։

Հիշեցնենք, որ գնացքը վթարի էր ենթարկվել Փարիզ–Ստրասբուրգ ճանապարհին։ Նաև հրդեհ էր բռնկվել։ Գնացքում պետք է միայն տեխնիկական աշխատակիցները գտնվեին, քանի որ փորձարկում էր կատարվում, սակայն պարզվել է, որ նրանցից ոմանք, խախտելով կարգը, իրենց հետ նաև ընտանիքի անդամներին են վերցրած եղել։

Նախնական տվյալներով՝ զոհվել է 10, վնասվածք ստացել՝ 37 մարդ։ Հինգը համարվում է անհետ կորած։

7or.am