ՀՀ–ն և ԵՄ-ն բանակցում են նոր շրջանակային համաձայնագիր ստորագրելու շուրջ։ Այս մասին ասել է Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին։

Խոսելով Եվրոպական հարևանության քաղաքականության վերանայման փաստաթղթի մասին՝ նա նշել է, որ Հայաստանը 2 զուգահեռ գործընթացների մեջ է:

Շրջանակային համաձայնագրից բացի՝ քննարկվում են նաև նոր հարևանության քաղաքականության առաջնահերթությունները:

–Ըստ մեզ՝ նախ պետք է իրականացնել նոր հարևանության քաղաքականության շրջանակային համաձայնագիրը, որի բոլոր նախանշանները կան, որը կստորագրվի արդեն այս տարվա դեկտեմբերի սկզբին Բրյուսելում,–ասել է նա՝ հավելելով, որ մնացած հարցերը կքննարկվեն դրանից հետո.

–Երկու գործընթաց կա՝ իրավական և քաղաքական, ու, կարծում եմ, դրանք զուգահեռ կընթանան: Ենթադրում եմ, որ շրջանակային պայմանագրի այդ հատվածը կլինի բավական ուժեղ, իսկ այն մասը, որը վերաբերում էր առևտրին, ավելի թույլ կլինի, քան նախորդ պայմանագրում էր:

Շրջանակային համաձայնագիրը նաև ներառում է նոր տարրեր՝ անվտանգության ոլորտում համագործակցության առումով:

7or.am