Պենտագոնը հաստատում է Թուրքիայի հայտարարություններն առ այն, որ ռուսական Սու-24-ը խախտել է իրենց օդային տարածքը, և անձնակազմը նախազգուշացվել է այդ մասին։ Ինչպես նշում է «ՌԻԱ Նովոստի» գործակալությունը, այս մասին հայտարարել է ԱՄՆ պաշտպանության նախարարության Մերձավոր Արևելքում և Հյուսիսային Աֆրիկայում ներկայացուցիչ Սթիվեն Ուորենը։

Նա ընդգծել է, որ իրենց ունեցած ռադիոտվյալներն ապացուցում են՝ ռուսական Սու-24-ը ներխուժել է Թուրքիայի օդային տարածք:

Ուորենը նաև ավելացրել է, որ թուրքական կառավարության փոխանցմամբ՝ իրենց երկու Ֆ-16 կործանիչները սահմանային թռիչք են իրականացրել, երբ հանդիպել են ռուսական երկու Սու-24-երի, որոնցից մեկն էլ Թուրքիան խոցել է։

7or.am