ՌԴ նախագահ Վլադիմիր Պուտինին այսօր 15 օտարերկրյա դեսպան է իր հավատարմագրերը հանձնել։ Կրեմլում կայացած պաշտոնական արարողության ժամանակ Պուտինն անդրադարձել է Թուրքիայի ՌՕՈՒ–ի կողմից ռուսական ինքնաթիռի խոցմանը՝ ընգծելով, որ միջադեպը հակասում է առողջ բանականությանը և միջազգային իրավունքին։

«Ռուսաստանը Թուրքիայի բարձրագույն ղեկավարությունից չի ստացել ո՛չ հասկանալի բացատրություններ, ո՛չ առաջարկ՝ վնասը փոխհատուցելու մասին, ո՛չ խոստումներ՝ պատժելու հանցագործներին իրենց գործողությունների համար»,–ասել է Պուտինը՝ ևս մեկ անգամ ընդգծելով, որ ինքնաթիռը խոցվել է Սիրիայի՛ տարածքում։

«Տպավորություն է ստեղծվում, որ Թուրքիայի ղեկավարությունը ռուս–թուրքական հարաբերությունները միտումնավոր փակուղի է մտցնում։ Մենք ցավում ենք դրա համար»,–հավելել է Պուտինը։

7or.am