Իրաքի վարչապետը 24 ժամ է տվել Թուրքիային զորքերը դուրս հանելու համար
Իրաքի վարչապետ Հայդեր ալ–Աբադին Թուրքիայից պահանջել է անհապաղ դուրս հանել իր զորքերն իրաքյան տարածքից՝ հայտարարելով, որ դրա համար նա 24 ժամ ունի, որից հետո Իրաքն այդ հարցով դիմելու է ՄԱԿ ԱԽ–ին։
«Թուրքիայից պահանջում ենք հարգել Իրաքի ինքնիշխանությունը. մենք նրանց 48 ժամ էինք տվել այդ հարցը լուծելու համար. այժմ մնացել է 24 ժամ»,– ալ–Աբադիի խոսքերն է մեջբերում «ria.ru»–ն։
Կիրակի վարչապետը հայտարարել էր, որ իրաքյան իշխանություններն իրավունք ունեն դիմել ցանկացած մեթոդի։ Ալ–Աբադին նաև շեշտել էր՝ Թուրքիան ստում է՝ ասելով, թե Բաղդադի համաձայնությամբ է զորքերը մտցրել Իրաք։
«Մենք չենք ուզում, որ Իրաքը վերածվի տարածաշրջանային դիմակայության թատերաբեմի»,–ասել է վարչապետը։
Հիշեցնենք՝ իրաքյան իշխանությունների տվյալներով՝ դեկտեմբերի 4–ին Նայնավ նահանգ է ներխուժել թուրքական տանկային գումարտակ՝ քուրդ աշխարհազորայիններին ԻՊ դեմ կռվելու համար պատրաստելու պատրվակով։ Իրաքը Թուրքիայի ներխուժումը «թշնամական գործողություն» էր անվանել և սպառնացել ռազմական պատասխան տալ։
Որոշ փորձագետների կարծիքով թուրքերի՝ ԻՊ վերահսկողության տակ գտնվող Մոսուլի մոտ դիրքավորվելը վկայում է առաջիկա մարտերի մասին։ Թուրքերը պատրաստվում են քրդերի հետ գրոհել իր մեծությամբ երկրորդ իրաքյան քաղաքը և կիսել փեշմերգաների հաջողությունը, եթե հաջողվի գրավել Մոսուլը։
Իրաքի վարչապետը 24 ժամ է տվել Թուրքիային զորքերը դուրս հանելու համար
Իրաքի վարչապետ Հայդեր ալ–Աբադին Թուրքիայից պահանջել է անհապաղ դուրս հանել իր զորքերն իրաքյան տարածքից՝ հայտարարելով, որ դրա համար նա 24 ժամ ունի, որից հետո Իրաքն այդ հարցով դիմելու է ՄԱԿ ԱԽ–ին։
«Թուրքիայից պահանջում ենք հարգել Իրաքի ինքնիշխանությունը. մենք նրանց 48 ժամ էինք տվել այդ հարցը լուծելու համար. այժմ մնացել է 24 ժամ»,– ալ–Աբադիի խոսքերն է մեջբերում «ria.ru»–ն։
Կիրակի վարչապետը հայտարարել էր, որ իրաքյան իշխանություններն իրավունք ունեն դիմել ցանկացած մեթոդի։ Ալ–Աբադին նաև շեշտել էր՝ Թուրքիան ստում է՝ ասելով, թե Բաղդադի համաձայնությամբ է զորքերը մտցրել Իրաք։
«Մենք չենք ուզում, որ Իրաքը վերածվի տարածաշրջանային դիմակայության թատերաբեմի»,–ասել է վարչապետը։
Հիշեցնենք՝ իրաքյան իշխանությունների տվյալներով՝ դեկտեմբերի 4–ին Նայնավ նահանգ է ներխուժել թուրքական տանկային գումարտակ՝ քուրդ աշխարհազորայիններին ԻՊ դեմ կռվելու համար պատրաստելու պատրվակով։ Իրաքը Թուրքիայի ներխուժումը «թշնամական գործողություն» էր անվանել և սպառնացել ռազմական պատասխան տալ։
Որոշ փորձագետների կարծիքով թուրքերի՝ ԻՊ վերահսկողության տակ գտնվող Մոսուլի մոտ դիրքավորվելը վկայում է առաջիկա մարտերի մասին։ Թուրքերը պատրաստվում են քրդերի հետ գրոհել իր մեծությամբ երկրորդ իրաքյան քաղաքը և կիսել փեշմերգաների հաջողությունը, եթե հաջողվի գրավել Մոսուլը։
7or.am