Լրահոս

04.10.2010 10:42


Լուժկովը պատճառաբանել է իր պաշտոնանկությունը

«New Times» ամսագրին տված հարցազրույցում Յուրի Լուժկովը հայտնել է իր պաշտոնանկության պատճառը և նրանց անունները, ում ձեռնտու էր դա։

Ինչպես հաղորդու մէ  «Эхо Москвы» ռադիոկայանը, «New Times» ամսագրը միակն է, որին Լուժկովը համաձայնել է հարցազրույց տալ իր պաշտոնանկությունից հետո։

Հարցազրույցը, իրոք, տպավորիչ է ստացվել։ Այն տևել է  մոտ երեք ժամ և զբաղեցրել 12 էջ՝ ամսագրի մեկ հինգերորդը։ «New Times» ամսագրի գլխավոր խմբագրի հետ զրույցում Լուժկովը հիմնականում խոսել է իր պաշտոնանկության պատճառների և այն մարդկանց մասին, ում, իր կարծիքով, դա ձեռնտու էր։ Տեղի ունեցածը նախկին քաղաքապետը բնութագրում է որպես նախընտրական քարոզարշավի սկիզբ, որի ժամանակ «Մոսկվան պետք է քվեարկի այնպես, ինչպես ցանկանում է բարձր ղեկավարությունը»։

 Լուժկովը նորից բավական կոպիտ է արտահայտվել «Единая Россия» կուսակցության մասին, նրան անվանել է աղախին, որին հաճախ սխալ հանձնարարականներ են տալիս։

 Քաղաքականությունից նախկին քաղաքապետը չի հեռանա և մտադիր է շարժում ստեղծել։ Նա ցանկանում է ապավինել կենսաթոշակառուներին և  մտավորականությանը։ Լուժկովը ամսագրին հավաստիացրել է, որ ինքն իր պաշտոնանկությունը չի վիճարկելու դատարանում, քանի որ չի հավատում, թե Գերագույն դատարանն այնպիսի որոշում կկայացնի, որը կհակասի նախագահի հրամանագրին։

Այս խորագրի վերջին նյութերը